最近盛傳分手的鄭嘉穎和佘詩曼，昨日又齊齊為《宮心計》宣傳，雖然一如過往，他們在台上全程零交流，不過台下則有傾偈，當鄭嘉穎在帳幕內接受訪問時阿佘忽然出現，更出言為嘉穎澄清兼力撐他 EQ高，嘉穎對讚賞表現受落。

無綫劇集《宮心計》的佘詩曼、鄭嘉穎、陳豪、關菊英和謝雪心等一眾演員，昨日齊齊出席在尖沙嘴舉行的「第五屆福幼慈善大纜盃」活動，順道為謝雪心慶祝生日。他們分成兩組進行拔河比賽，結果籌得 6萬元，當中鄭嘉穎更自掏腰包捐出 1萬元。


自認 EQ高
活動上鄭嘉穎與佘詩曼這對傳分手的緋聞情侶成為焦點，雖然他們肩並肩站在一起，仍全程零交流，但當鄭嘉穎在後台接受訪問，被問到日前在大馬因被問與阿佘分手的內情而發脾氣時，原本在帳幕外準備接受電視台訪問的阿佘，突然間打開門簾，笑笑口對嘉穎說：「我幫咗你澄清，仲讚你 EQ高呀！」嘉穎表現受落，關係撲朔迷離。
談到在大馬接受訪問時發脾氣，被笑指「失手」的鄭嘉穎說：「冇可能，嗰日我態度非常好，冇發過脾氣，你哋可以問番陳法拉，嗰日佢全程在場。」嘉穎也坦言近年因為緋聞的關係， EQ明顯提高，他說：「基本上任何問題我都會答，遇到太離譜嘅問題，最多係唔出聲。」


鄭嘉穎與陳豪等扯大纜時玩得相當投入。

曾志偉（右）與黎耀祥為拔河比賽擔任開幕嘉賓。


一班《宮心計》的大小演員齊齊為活動出錢出力，結果籌得 6萬元善款。



對於被指零交流的佘詩曼，當問到嘉穎發脾氣一事時說：「我唔知道，嗰日我都唔喺現場，我覺得佢啲 EQ都 OK，唔使過幾招畀佢。」又說：「家無論係我同鄭嘉穎、楊怡又或者係靚靚（袁詠儀）嘅報道，我都當係宣傳。」至於與鄭嘉穎目前的關係，阿佘則說：「我哋一直係朋友。」
另外，黎耀祥日前笑指希望陳豪讓獎，雖然兩人昨日在同一場地出現，但因出席時間不同而緣慳一面，陳豪說：「唔使讓，祥仔一直都係我嘅偶像！我一定會撐佢。」

呃~网络问题？怎么图片挂了，什么也看不到